Buataisí Dearga

Dún na nGall agus Doire fadó: bochtanas, imirce, sclábhaíocht, cogadh, grá, feall. Ní scéal bog simplí é seo ach croinic ar chruachás agus réalachas shaol an ghnáthdhuine, ar an  tsreachailt ó lá go lá in aon phobal le céad bliain anuas. Leathnaíonn na heachtraí chomh fada leis an Iodáil agus na Stáit Aontaithe in imeacht céad bliain, ach iad fréamhaithe sa dúchas i gcónaí. Seo scéal an bhaile inar rugadh an t-údar, agus tírdhreach an cheantair inar fhás sé suas. Tá sráideanna, siopaí, monarchana na cathrach ann, chomh maith le nósanna na ndaoine, ach iad athshamhlaithe aige, agus maisithe le líníocht bheoga. Tagann snáithí éagsúla na gcarachtar le chéile mar bhreacadh cumhachtach. As béaloideas an tí, scéalta na gcomharsan, agus stair na háite, tá scéal fáiscthe aige nach furasta a ligean uait.